- 45 -

1290, Juni 7. Breslau.

Bischof Thomas II. von Breslau investiert den herzoglichen Notar Friedrich zum Pfarrer in Frankenberg.

In nomine domini amen. Noverint universi presentes litteras inspecturi, quod nos Thomas dei gracia episcopus Wratislaviensis Fridericum notarium domini ducis Wratizlaviensis ecclesia de Frankenberch, que per liberam resignationem fratris Conradi de Camenz, qui per nos ad presentationem abbatis et conventus loci sive monasterii eiusdem eadem ecclesia fuerat investitus, tunc temporis vacaverat, ad presentationem dictorum abbatis et conventus de Camenz factam ad peticionem dicti domini ducis per byrretum nostrum presentialiter investivimus; commisimusque ibidem sibi curam spiritualium et regimen animarum, constituentes eundem Fridericum rectorem eiusdem ecclesie legitimum et pastorem, salvo tamen iure prefati monasterii de Camenz, quod in ecclesia de Bardo dignoscitur obtinere. In cuius rei testimonium sigillo nostro presentem paginam fecimus communiri. Datum Wratizlavie VIIo. Idus Junii anno domini M°.CC°. nonagesimo presentibus dominis: Mileyo decano, Johanne cantore, Johanne decano Glogoviensi; magistro Vito Glogoviensi et Henrico Legnicensi archidyaconis, magistro Jacobo officiali nostro, magistro Martino, Stephano, Arnoldo et aliis pluribus canonicis nostris Wratizlaviensibus in capitulo congregatis.

Or. Perg. An dem Pergamentstreifen haften nur noch zwei grössere Stücke des bischöflichen Siegels (der jüngeren Art, Pfotenhauer: Siegel S. 15. (A. VIII. 54.). Regesten No. 2136.

Codex Diplomaticus Silesiae, hrsg vom Vereine für Geschichte und Alterthum Schlesiens, Bd 10, Urkunden des Kloster Kamenz. Hrsg von Dr Paul Pfotenhauer, Breslau 1881.